NEW IN - CAPE

Í byrjun ágúst fórum við með skólanum í smá leiðangur um Kaupmannahöfn og kíktum inn í margar sauma/efna búðir svo við gætum vitað hvert við ættum að fara þegar við þurfum efni eða aukahluti. Í einni búðinni sá ég efni samt mér fannst bara svo ótrúlega fallegt og mjög heppilega var það á útsölu! Var ekki lengi að tala sjálfa mig út í það að kaupa efnið og sannfæra sjálfa mig að ég myndi sko nota flíkina sem ég myndi gera úr efninu. Ég var ekki lengi að finna út úr því hvað mig langaði að gera og ekki lengi að byrja. Það er miklu heitara hér á sumrin en á Íslandi svo ég gat ekki byrja að nota kápuna strax en nú er hún fullkomin í haustinu. Ég skal svo fara að henda mér í það að taka myndir af kápunni svo þið getið séð hana!