PANTS PROJECT

Þegar ég byrjaði að skrifa þetta blogg var síðasta verkefni skólans buxur. Þar sem ég hef ekki skrifað neitt í mánuð er það búið að breytast svo næst síðasta verkefnið í skólanum voru buxur! Ég enda einhvern veginn alltaf á því að gera allt svart eða brúnt en mig langaði að stíga aðeins út fyrir þann ramma og prófa eitthvað nýtt svo ég saumaði ljós bleikar buxur. Þau fyrirmæli sem við fengum áður en við gerðum buxurnar voru að þær þyrftu að vera úr bómullarefni, allavega bómullarblöndu, og hafa vasa. Svo gátum við hannað okkar eigin buxur og gert þær eins og við vildum.

Buxurnar sem ég gerði eru þröngar og háar og ég get ekki beðið eftir að nota þær í sumar. Ég er mjög ánægð með buxurnar og finnst þær koma rosa vel út.