HAPPY NEW YEAR

Gleðilegt nýtt ár kæru lesendur!

Árið 2015 var gjörsamlega frábært og ég er svo spennt fyrir hvað næsta ár hefur upp á að bjóða.

Árið 2015 komst ég inn í fatahönnunar skóla í Danmörku þrátt fyrir að vera of sein að sækja um fyrir þessa önn. Við Örn Ingi fluttum til Danmerkur og bjuggum í fyrsta skipti bara tvö saman. Ég steig langt út fyrir þægindaramman þegar ég ákvað að deila bloggsíðunni minni fyrir fleirum en bara fjölskyldunni og þegar Örninn talaði mig út í að opna like síðu á facebook. Ég er í fyrsta skipti á mínum skólaferli mjög spennt fyrir skólanum og finnst hann ótrúlega skemmtilegur. Ég hef fengið góðar umsagnir um verkefnin mín frá kennurum og um mig sem nemanda hjá þeim. Við saumuðum pils og kjól, lærðum á photoshop og illustrator, gerðum verkefni úr illustrator og svo voru í hverri viku teiknitímar, sniðagerð og saumaprufur. Við gerðum svo ýmis minni verkefni. Ég er ekkert smá spennt að byrja aftur í skólanum því við byrjum strax á að gera skyrtur. Ég gaf pabba efnisbút í jóalgjöf því hann fær sérsaumaða skyrtu á sig nú í janúar. Hljómar ekki illa.

Áramótin sjálf voru ótrúlega góð. Við vorum 12 manns heima hjá Ödda sem borðuðum saman, sprengdum og horfðum á skaupið. Ég bjó til glimmer 2016 stafi sem voru hengdir upp á vegg og gerði svo hatt, gleraugu, skegg og fleira á priki til að taka skemmtilegar myndir. Þetta heppnaðist rosa vel og kom vel út. Ég keypti glimmer pappír í Tiger, svartan pappír og silfur band í Söstrene Grene og grillpinna í Hagkaup. Þetta var auðvelt og gerði myndirnar svo skemmtilegar. Ég var í svarta kjólnum sem ég gerði í skólanum, little black dress , og fannst hann koma mjög vel út!

Við förum aftur út á morgun, 3. janúar, svo í dag er kveðjustund og öllu pakkað niður. Þessar 2 vikur á Islandi hefðu ekki getað verið betri og ég er svo þakklát fyrir alla fjölskylduna og vini mína. Jólin, afmælið mitt, afmælisparty og áramótin. Hefði ekki getað beðið um betri 2 vikur á Íslandi.

Takk fyrir mig 2015 ég býð þig velkomið 2016!