ÍSLAND

Trúi því varla að íslands ferðin sé hálfnuð. Mjög blendnar tilfinningar því mér líður eins og ég hafi aldrei farið en á sama tíma eins og ég hafi verið að koma. Þetta frí er búið að vera algjör snilld. Jólin, afmæli og svo áramótin. Eins og ég hafði skrifað áður vorum við Örn Ingi saman á jólunum. Byrjuðum heima hjá mér, borðuðum og opnuðum gjafir. Fengum fullt af hagnýtum gjöfum fyrir heimilið sem er auðvelt að taka með sér út, eða eitthvað fallegt fyrir heimilið. Sem er geggjað. Það voru allavega margar svoleiðis gjafir þó svo það hafi ekki verið allar. 25. desember átti ég svo 21. árs afmæli. Síðan ég var lítil hef ég elskað afmælið mitt sirka 10 númerum of mikið. Miðað við eina leiðinlegustu dagsetningu ársins allavega. Það er allt lokað og allir í jólaboðum. Það er árleg hefð hjá fjölskyldunni minni að koma saman í afmælisboð, ekki jólaboð takk fyrir pent, og borða heitt og kalt hangikjöt svo er spilað ef tími gefst. Ég fékk í fyrsta skipti í mörg ár afmælisköku svo þetta varð ekta afmælisveisla. 26. desember hélt ég svo upp á afmæli og bauð mínum nánustu vinkonum í partý. Algjör snilld að hafa farið í fríhöfnina 3 á þessum 4 mánuðum því ég hafði keypt fullt af ódýra áfengi og gat boðið upp á ! Gerði margaritas, vodka og bacardi razz bollu. Það var sjúklega gaman að sjá stelpurnar og geta skemmt mér með þeim.