WORKSTATION

Ég var svo heppin að þegar við Öddi fengum íbúðina okkar og vorum að leita að húsgögnum rakst ég á snilldar vinnuborð. Ég sendi konunni email og pældi aðeins í því hvort ég vildi þetta borð, í fyrsta lagi er það mjög stórt og í öðru lagi höfum við engan bíl svo við hefðum þurft að ganga með það heim. Sirka viku eftir að ég hafði sent þessari konu email bauð hún mér borðið frítt, vildi upprunalega 250kr fyrir það. Þegar við komum að sækja það og maðurinn hennar frétti að við værum fótgangandi datt hann í smá sjokk og bauðst til að keyra okkur heim. Þetta borð er nefnilega níðþungt.

Þannig mjög heppilegt að ég fékk stórt og gott saumaborð sem hægt er að hækka upp og niður og halla borðplötunni. Mér fannst samt grái liturinn á því ekki alveg vera að gera sig. Borðið er nefnilega smá gamalt svo málingin er ekki upp á sitt besta. Ég reddaði því með því að panta mér marmara filmu á bauhaus netsíðunnu og filmaði hálft borðið. Mér finnst það gera mjög mikið fyrir borðið og það varð miklu fallegra. Ég er síðan með skrifstofustól úr IKEA sem ég valdi mér í afmælisgjöf. Ég notaði til að byrja með eldhússtólana okkar og var alltaf ónýt í bakinu eftir að hafa verið að vinna við borðið. Þurfti alltaf mjög langt og gott nudd eftir á.