BACKPACK

Ég fann mér svo fínt efni um daginn sem mér fannst vera fullkomið í bakpoka og pennaveski. Ég var búin að vera að hugsa að mig langaði að sauma nýjan bakpoka fyrir skólann sem væri nógu og stór til að taka A3 teiknibókina mína þar sem það getur verið mjög þreytandi að hafa hana í sama poka og ég fékk þegar ég keypti hana. Sem var líka þegar ég byrjaði í skólanum svo þið getið kannski ýmindað ykkur hvað pokinn er orðinn sjúskaður.

Ég ákvað að kaupa metra af efninu, sem betur fer því þetta var síðasti metrinn og hefði líklegast ekki verið til hefði ég farið út og ákveðið að kaupa efnið seinna! Ég byrjaði strax og er búin að gera mér tvo fína bakpoka! Keypti svo efni, hálfgerður pappamassi, í Skinnhúsinu hérna í köben til að festa inn í efnið og gera hana aðeins veglegri og meira eins og skólatösku. Ég á alveg nokkrar töskur og einn mjög góðan bakpota fyrir en á maður einhvertíman of mikið af töskum? Er ekki alltaf hægt að finna sér not fyrir góðan og flottan bakpoka? Ég allavega nota töskur mjög mikið eftir að ég flutti þar sem við höfum engan bíl og við getum ekki hrúgað öllu drasli beint í hann heldur þurfum við víst að taka þetta með okkur heldur snyrtilega í lestina. Töskurnar eru úr einhverskonar leðurlíki en samt líkara gúmmí. Fyrst þegar ég sá efnið fannst mér það leður legra en eftir að ég byrjaði að vinna með það. Það er svart matt og mér finnst það algjör snilld. Svo er líka geggjað að það er vatnshelt, amk fráhryndandi, svo ég þarf ekki að stressa mig í vetur þegar ég hjóla í lestina eða labba í skólann og það er rigning úti. Því jú ég bý í rigningarlandi.

Við hjúin hendum okkur svo í það að taka almennilegar myndir af töskunum þegar það er aðeins betra veður! Leyfi einni að fylgja til að sýni ykkur aðeins.

Þetta er annar þeirra og svo fáið þið að sjá betri myndir seinna! Þá hef ég eitthvað í honum svo þið getið séð hvernig hann er þegar hann er í notkun