JULEMARKED

það er búið að vera brjálað að gera hjá mér síðustu viku svo ég hef ekkert haft tíma í að skrifa neitt hér inná.

Fyrir viku síðan komu tengdó í heimsókn sem var yndislegt, þau komu og voru hjá okkur í 4 daga og nýttum við þá vel! Tókum túrista dag þar sem við leigðum okkur hjól og hjóluðum um Kaupmannahöfn. Við tókum þau í Christiania, skoðuðum litlu hafmeyjuna og kastalann. Gengum strikið og þau kíktu í nokkrar búðir. Heppilega voru þau hér á Black Friday svo jólagjafakaupin eru langt komin. Við fórum í Tivoli og út að borða á laugardaginn og það var alveg ótrúlega gaman. Þeir sem þekkja mig vel vita að ég fer aldrei í nein tæki þegar að það kemur að skemmtigörðum því ég er með minnsta hjarta sem finnst og þori ekki í þau.

Einhvern veginn náði Örninn samt að tala mig í að fara í róluna sem eru ekki nema 80m á hæð. Tivoli garðurinn var ekkert smá flottur þarna uppi! Að sjá öll jólaljósin, vá! Ótrúlega rómantískt og fallegt. Hefði samt líklegast verið rómantískara ef ég hefði verið með augun opin allan tíman en ekki bara í þessar 10 sek sem ég þorði því.

Þau komu svo í brunch heim til okkar Ödda og fóru svo heim á sunnudagskvöldinu.

Setti myndir af heimsókninni þeirra í PHOTOS

Á sunnudeginum eftir að þau fóru og eiginlega bara fram að núna hef ég verið að vinna að hálsmenum sem ég ætla að hafa á jólamarkaði skólans sem er á morgun! Svo ef þú ert í kaupmannahöfn 5.desember þá er jólamarkaður í skólanum mínum, Margrethe-skolen, frá 10-16. Badstuesrtæde 1.

Ég ætla að vera með leður og rúskins hálsmen sem ég hef verið að dunda mér við að gera og verð svo með 3 lopapeysur!

Set inn myndir af hálsmenunum í PHOTOS! Ef þið viljið panta hálsmen þá getið þið sent mér skilaboð á like síðunni minni sem heitir einfaldlega Anna Lind Pálsdóttir og ég kem svo heim 20. desember með hálsmenin og set þau í póst! Hálsmenin kosta 3000 kr stykkið!

Ein af lopapeysunum sem verða til sölu!